Mae myfyrwyr Prifysgol Abertawe wedi rhoi adborth cadarnhaol ar gyfer holl agweddau ar eu profiad yn y brifysgol yn yr Arolwg Cenedlaethol o Fyfyrwyr (NSS) diweddaraf, a gyhoeddwyd ar 9 Gorffennaf 2025.
Mae'r canlyniadau¡¯n dangos bod 84% o fyfyrwyr Prifysgol Abertawe yn dweud eu bod nhw'n fodlon ar eu cwrs yn gyffredinol, sef cynnydd o 8% ers i gwestiynau diwygiedig yr Arolwg gael eu cyflwyno yn 2023, a chan roi Abertawe yn y drydedd safle yng Nghymru.
Mae'r Arolwg Cenedlaethol o Fyfyrwyr, a gynhelir yn flynyddol gan Y Swyddfa Fyfyrwyr, yn casglu adborth gan fyfyrwyr israddedig yn eu blwyddyn olaf ar draws y DU. Mae'r arolwg yn cwmpasu elfennau allweddol o brofiad y myfyrwyr, gan gynnwys ansawdd yr addysgu, cyfleoedd dysgu, asesu ac adborth, cymorth academaidd, a llais y myfyrwyr.
Mae perfformiad cryf Prifysgol Abertawe i'w weld yn y sgoriau boddhad sydd wedi gwella ar draws pob un o¡¯r saith thema allweddol o¡¯u cymharu ? 2024, pan fu hefyd welliant ym mherfformiad Prifysgol Abertawe ym mhob un o gwestiynau'r Arolwg .
Rhoddodd y myfyrwyr adborth arbennig i Abertawe am yr elfennau hyn: Adnoddau Dysgu (90%) a Chymorth Academaidd (89%), gyda'r Addysgu (86%) a Chyfleoedd Dysgu (85%) hefyd yn derbyn adborth da iawn.
Bu hefyd welliant da mewn meysydd eraill megis Trefniadaeth a Rheolaeth (81%), Asesu ac Adborth (81%), a Llais y Myfyrwyr (79%), sy'n dangos ffocws parhaus y Brifysgol ar ddarparu profiad cyflawn i fyfyrwyr.
Yn ogystal ?¡¯r gwelliannau cyffredinol mewn meysydd allweddol, derbyniodd chwech o bynciau Prifysgol Abertawe 100% am foddhad cyffredinol, a gynyddodd o bedwar pwnc yn 2024.
Mae 16 pwnc bellach, ar gyfartaledd, ymysg y 25% o'r darparwyr gorau ar draws saith thema graidd yr Arolwg Cenedlaethol o Fyfyrwyr - cynnydd o naw pwnc y llynedd - sy'n amlygu eu cysondeb wrth sicrhau boddhad myfyrwyr ar lefel uchel o¡¯u cymharu ? sefydliadau eraill.
Croesawodd yr Athro Deborah Youngs, Dirprwy Is-ganghellor Prifysgol Abertawe ar gyfer Addysg, y canlyniadau: "Mae ein myfyrwyr wrth wraidd popeth rydyn ni'n ei wneud, ac rydyn ni'n hynod falch o berfformiad cryf Abertawe wrth ddarparu profiad rhagorol i¡¯n myfyrwyr. Mae'r gwelliannau ar draws holl agweddau canlyniadau'r Arolwg Cenedlaethol o Fyfyrwyr eleni yn tystio i¡¯r ymrwymiad a'r gwaith caled sy'n cael ei wneud er mwyn cefnogi ein myfyrwyr a chyfoethogi eu hamser yn y Brifysgol.
"O addysgu a chymorth academaidd o ansawdd uchel i gyfleoedd sy'n gwella cyflogadwyedd ac yn helpu myfyrwyr i ddatblygu sgiliau ar gyfer y byd go iawn, ein nod yw sicrhau bod gan fyfyrwyr bopeth sydd ei angen arnynt i lwyddo yn y Brifysgol ond hefyd i ffynnu ym myd gwaith a'r tu hwnt. Rydw i wrth fy modd bod ein myfyrwyr wedi cydnabod yr effaith hon yn eu hadborth, a hoffwn ddiolch i bawb ar draws y Brifysgol sydd wedi cyfrannu at y llwyddiant hwn drwy eu hymdrechion".
Mae canlyniadau positif NSS 2025 yn dilyn dau gyflawniad byd-eang diweddar i Brifysgol Abertawe, gan gynnwys esgyn i'w safle uchaf erioed¡ª292¡ªyn Nhablau Prifysgolion y Byd QS 2026, a chyrraedd y 36ain safle yn y byd am ei chyfraniad at Nodau Datblygu Cynaliadwy'r Cenhedloedd Unedig yn ?l Tablau Effaith Times Higher Education.
.